Çfarë ka vendosur AMP për inspektorin?
AMP pas hetimeve të thelluara ka vendosur një masë shtrënguese ndaj inspektorit me iniciale A.D, i cili dyshohet se ka lejuar një të mitur të kalojë kufirin pa prokurë.
Sipas njoftimit zyrtar mësohet se masa e sigurimit është “Detyrimi për t’u paraqitur në Policinë Gjyqësore”, teksa i riu dyshohet se ka kryer veprën penale “Shpërdorimi i detyrës”.
“Agjencia e Mbikëqyrjes Policore (Rajoni Tiranë), pas hetimeve të kryera për llogari të procedimit penal të vitit 2023, ka zbatuar Urdhrin e Prokurorisë për ekzekutimin e vendimit të Gjykatës së Shkallës së Parë të Juridiksionit të Përgjithshëm Tiranë, e cila ka vendosur masën e sigurimit personal me karakter shtrëngues “Detyrimi për t’u paraqitur në Policinë Gjyqësore” ndaj punonjësit të policisë, Inspektor A.D., 31 vjeç, i dyshuar për kryerjen e veprës penale “Shpërdorimi i detyrës”.
Masa e sigurimit personal është marrë pasi gjatë periudhës që ka qenë në detyrë si N/Specialist Kontrollor në Komisariatin e Policisë Kufitare Rinas, ka rezultuar se ky punonjës ka lejuar daljen nga territori i Republikës së Shqipërisë të një të mituri, i cili nuk ka qenë i pajisur me prokurë nga babai i tij.”- njoftojnë autoritetet.
