Kreu i Lëvizjes “Shqipëria Bëhet”, Adriatik Lapaj, ka reaguar ashpër për situatën e sektorit të naftës në vend, duke akuzuar institucionet për keqmenaxhim dhe abuzim.
Sipas tij, në zonën e Mallakastrës nafta po derdhet pa kontroll, ndërsa qytetarët përballen me çmime ndër më të lartat. Lapaj drejtoi kritika ndaj shtetit dhe Albpetrol për mungesë përgjegjësie dhe kontrolli mbi burimet natyrore.
Ai rikujtoi gjithashtu premtimet e bëra për zhvillimin e industrisë së përpunimit të naftës, duke përmendur gjendjen e rafinerisë së Ballshit si një shembull të dështimit të kësaj politike.
Lapaj propozoi uljen urgjente të taksave mbi karburantet si një masë për të lehtësuar qytetarët, duke theksuar se në periudha krize qeveria nuk duhet të rrisë barrën fiskale.
Në përfundim, ai theksoi nevojën për ringritjen e industrisë përpunuese të naftës si zgjidhje afatgjatë për stabilizimin e çmimeve në vend.
