Itali ka kërkuar zyrtarisht që Bashkimi Evropian të vendosë sanksione ndaj ministrit izraelit të Sigurisë Kombëtare, Itamar Ben-Gvir.
Lajmi u bë i ditur nga ministri i Jashtëm italian, Antonio Tajani, i cili tha se kërkesa i është adresuar Përfaqësueses së Lartë të BE-së për Politikën e Jashtme dhe Sigurinë, Kaja Kallas.
Sipas Romës zyrtare, çështja pritet të përfshihet në agjendën e një takimi të ardhshëm të ministrave të Jashtëm të vendeve anëtare të BE-së.
Në dokumentin e paraqitur nga pala italiane, kërkohet që sanksionet të shqyrtohen për shkak të asaj që cilësohet si “akte të papranueshme” ndaj flotës humanitare dhe aktivistëve të ndaluar në ujërat ndërkombëtare.
Italia pretendon se aktivistët janë përballur me trajtim poshtërues dhe ngacmime, duke argumentuar se këto veprime përbëjnë shkelje të të drejtave themelore të njeriut dhe kërkojnë reagim diplomatik në nivel evropian.
Ndërkohë, në zhvillimet që lidhen me të njëjtën çështje, autoritetet shqiptare kanë konfirmuar se shtetasi shqiptar Baki Goxhaj është nisur drejt Turqi me një nga avionët e vënë në dispozicion nga qeveria turke për transportimin e aktivistëve të ndaluar nga Izrael.
Sipas burimeve nga Ministria për Evropën dhe Punët e Jashtme të Shqipëri, Goxhaj ndodhet rrugës për në Stamboll, ku do të pritet nga konsulli shqiptar dhe më pas do të shoqërohet drejt Shqipërisë.
