Ish-komandanti i UÇK, Hisen Berisha, ka reaguar ashpër ndaj deklaratës së deputetit Fatos Geci, duke e cilësuar atë si të rrezikshme dhe me pasoja politike.
Në një intervistë, Berisha u shpreh se deklarata e Gecit për Hashim Thaçi nuk duhet parë si një reagim i izoluar, por si pjesë e një narrative që, sipas tij, dëmton themelet e shtetit të Kosovës dhe luftën çlirimtare.
Ai shtoi se deklarata të tilla, sipas tij, përkojnë me qëndrime që janë dëgjuar më parë në Beogradi dhe Moska, duke i konsideruar ato në linjë me narrativat anti-shqiptare.
Berisha theksoi se rasti kërkon reagim konkret institucional, duke kërkuar që KQZ të marrë masa për heqjen e mandatit të deputetit.
Sipas tij, kjo çështje shkon përtej debatit të zakonshëm politik dhe prek legjitimitetin e institucioneve dhe të vetë historisë së shtetit të Kosovës.
Ai gjithashtu pretendoi se deklarata mund të mos ketë qenë spontane, por e përgatitur në mënyrë të organizuar, duke akuzuar struktura të lidhura me Vetëvendosje për ndikim në formulimin e saj.
Në përfundim, Berisha theksoi se reagimi i institucioneve dhe drejtësisë është i domosdoshëm për të shmangur precedentë të rrezikshëm në diskursin publik dhe politik në Kosovë.
