Sekretari i Përgjithshëm i Partisë së Lirisë, Tedi Blushi, ka akuzuar ministren e Energjitikës, Belinda Balluku, për korrupsion dhe keqmenaxhim në sektorin energjetik, duke e lidhur këtë me ndërprerjen masive të energjisë elektrike mbrëmjen e kaluar. Sipas Blushit, sektori energjetik është kthyer në një burim korrupsioni të përmasave kriminale, që ka sjellë dëme të rënda për ekonomitë familjare dhe atë kombëtare.
Blushi ka deklaruar se ndërprerja e energjisë, e cila ndodh për herë të dytë pas “blackout”-it të qershorit, është e pajustifikueshme, duke pasur parasysh se digat janë plot dhe miliona euro janë shpenzuar për investime. Ai ka theksuar se dy TEC-et lundruese “Tigri 1” dhe “Tigri 3” në Vlorë, të cilat kanë konsumuar qindra milionë euro, nuk kanë prodhuar asnjëherë energji të dobishme për konsumatorët.
