Gazetari Vudi Xhymshiti deklaroi në një intervistë televizive se United Kingdom po përballet me një krizë të thellë politike dhe lidershipi, duke argumentuar se kryeministri Keir Starmer mund të ketë të njëjtin fat si disa prej paraardhësve të tij në Downing Street.
Sipas Xhymshitit, sistemi politik britanik funksionon mbi bazën e ruajtjes së interesit shtetëror dhe, sapo një kryeministër humbet besueshmërinë e publikut dhe institucioneve, fillojnë mekanizmat për largimin e tij.
“Ajo që është në traditën e politikës britanike është se sapo të merret vesh se një kandidat për pozitën e kryeministrit nuk po rezulton ai që kishte premtuar, atëherë të gjitha mekanizmat institucionalë fillojnë të veprojnë”, u shpreh ai.
Gazetari përmendi si faktorë kryesorë të pakënaqësive politikat ekonomike të qeverisë, debatet mbi taksimin, si dhe skandalet që përfshijnë ministra të kabinetit të Starmer, të akuzuar për pranimin e donacioneve nga persona të lidhur me Israel dhe China.
Sipas tij, mediat britanike kanë intensifikuar hetimet ndaj qeverisë, sidomos pas publikimit të informacioneve që lidhnin ambasadorin britanik në Uashington, Peter Mandelson, me financierin e ndjerë Jeffrey Epstein.
Xhymshiti tha gjithashtu se përçarjet brenda kabinetit qeveritar janë shtuar ndjeshëm dhe se gjithnjë e më shumë figura politike po shfaqin hapur pakënaqësitë ndaj drejtimit të Starmer.
“Dalëngadalë jemi në një situatë ku faktikisht ditët e tij janë të numëruara”, deklaroi gazetari.
