Deputeti socialist Erion Braçe deklaroi se Socialist Party of Albania duhet të rikthehet te proceset e hapura dhe dialogu i brendshëm, duke theksuar se partia sot po funksionon më shumë si një “mur njoftimesh” sesa si një organizatë politike me debat dhe përfshirje.
Në një intervistë televizive, Braçe sqaroi se kërkesa e tij për një proces të hapur në zgjedhjen e kandidatit për Bashkinë e Tirana nuk lidhet me ambicie personale apo emërime të drejtpërdrejta.
“Ajo që kam kërkuar nuk është një qokë apo të më caktojnë kandidat. Kam kërkuar një proces që duhet të përthithë gjithë energjinë e socialistëve të Tiranës dhe më gjerë”, deklaroi ai.
Braçe kujtoi frymën e vitit 2005 në Partinë Socialiste, kur sipas tij u ndërtuan procese të hapura dhe demokratike për përfshirjen e anëtarësisë në vendimmarrje.
“Në 2005 e kemi thënë qartë që partia duhet të jetë e hapur, ku anëtarët dhe simpatizantët zgjedhin me votë njerëzit dhe rrugën që partia duhet të ndjekë. Proceset që nisën atëherë nuk janë më sot”, u shpreh deputeti socialist.
Ai kritikoi mënyrën aktuale të funksionimit të partisë, duke theksuar mungesën e debatit dhe komunikimit të brendshëm.
“Jemi kthyer në një mur ku vendosen njoftime, qoftë për individë apo për politikë. Duhet të jetë e kundërta, duhet të ketë proces të hapur. Dialogu dhe debati shmangin keqkuptimet dhe çdo perceptim për rebelim brenda partisë”, tha Erion Braçe.
Sipas tij, rikthimi i dialogut të brendshëm është i domosdoshëm për të energjizuar partinë dhe për të forcuar përfaqësimin politik.
