Deputeti socialist Erion Braçe ka folur për mundësinë e kandidimit për drejtimin e Bashkia e Tiranës, duke kërkuar një proces të hapur dhe demokratik brenda Partia Socialiste e Shqipërisë për përzgjedhjen e kandidatit.
Në një intervistë televizive, Braçe theksoi se nuk kërkon favore personale apo emërim të drejtpërdrejtë nga drejtuesit e partisë, por një garë të ndershme dhe transparente.
“Nuk kërkoj një njoftim, nuk kërkoj një qokë, nuk kërkoj një favor për veten time. Unë po kërkoj një proces dhe një energjizim të të gjithë Partisë Socialiste përmes këtij procesi”, deklaroi ai.
Sipas Braçes, nëse do të ketë interes edhe nga kandidatë të tjerë për garën në Tiranë, atëherë duhet të zhvillohet një proces demokratik brenda partisë dhe me përfshirjen e simpatizantëve të majtë.
“Mund të jetë cilido, jo vetëm unë, por me njoftim jo. Nuk ka gjasë që ta pranoj një njoftim”, u shpreh deputeti socialist.
Braçe komentoi edhe debatet e fundit brenda PS-së, përfshirë reagimin publik të Elisa Spiropali ndaj kryeministrit Edi Rama.
I pyetur nëse Spiropali duhet të përjashtohet nga partia, Braçe tha se PS nuk është më në fazën kur ndëshkonte mendimet ndryshe.
“Partia Socialiste e ka kaluar fazën ku mund të përjashtojë njerëz për mendime ndryshe”, deklaroi ai.
Megjithatë, deputeti socialist shtoi se nuk i ka pëlqyer mënyra publike e reagimit të Spiropalit.
“Nuk më pëlqeu ai statusi ‘më përjashto’”, tha Braçe, duke theksuar se debatet duhet të zhvillohen brenda forumeve të partisë dhe jo publikisht.
Ai foli gjithashtu për problematikat në Tirana dhe për nevojën e një administrimi më efikas të qytetit, duke kritikuar mungesën e zgjidhjeve konkrete pas diskutimeve të zhvilluara në mbledhjet e PS-së.
“Sot Tirana nuk po qeveriset siç duhet dhe qytetarët presin më shumë”, u shpreh Braçe.
