Transporti publik në Tirana dhe në disa qytete të vendit vijon për të dytën ditë radhazi me shërbim të reduktuar, ndërsa operatorët paralajmërojnë masa më të forta në mungesë të reagimit institucional.
Shërbimi i reduktuar deri në 60%
Sipas përfaqësuesve të sektorit, shërbimi është ulur nga 40% deri në 60%. Në Tiranë, nga rreth 200 autobusë, operojnë vetëm 115 mjete.
Ndërkohë në rrethe situata është edhe më e rënduar:
Kërkesa për kompensim
Kreu i shoqatës së transportit, Dashnor Memaj, deklaroi se operatorët kërkojnë kompensim deri në 100 lekë për litër naftë dhe janë në pritje të një takimi me institucionet përkatëse.
Sipas tyre, rritja e çmimit të karburantit ka sjellë kosto shtesë deri në 800 mijë euro në muaj, duke e bërë të vështirë vijimin e shërbimit të plotë.
Paketa antikrizë në tryezë
Operatorët kanë propozuar një paketë masash që përfshin:
- kompensim financiar për 6 muaj (rreth 3 milionë euro)
- heqjen e taksës së qarkullimit
- pezullimin e akcizës së naftës
- uljen e TVSH-së nga 20% në 5%
Ata kërkojnë një skemë të ngjashme me atë të vitit 2022, e cila sipas tyre ka funksionuar dhe ka ndihmuar sektorin në kushte krize.
Paralajmërim për përshkallëzim
Nëse nuk ka reagim nga institucionet, operatorët paralajmërojnë reduktim të mëtejshëm të flotës, duke rrezikuar bllokimin e transportit publik në të gjithë vendin.
Situata ka sjellë pritje të gjata dhe vështirësi për qytetarët, ndërsa sektori thekson se ndërhyrja e shtetit është e domosdoshme për të shmangur përkeqësimin e krizës.
