Ish-deputeti i Partisë Demokratike, Dashnor Sula, është emëruar Kryeinspektor i Përgjithshëm, vendim i marrë në mbledhjen e qeverisë.
Pozicioni ishte shpallur vakant dhe pas procesit të aplikimit dhe konkurrimit, Sula ka rezultuar kandidati i renditur i pari mes aplikantëve të tjerë.
Dashnor Sula ka një karrierë të gjatë politike dhe ka shërbyer për disa mandate si deputet në Kuvend. Emërimi i tij vjen në kuadër të ndryshimeve të fundit në strukturat drejtuese të administratës shtetërore.
