Një aksion policor ka ndodhur mbrëmjen e sotme në qendër të qytetit të Fierit, ku Forcat “Shqiponja” kanë ndaluar një person në rrethana ende të paqarta.
Sipas informacioneve paraprake, personi është nxjerrë me forcë nga automjeti i tij dhe është shoqëruar në një furgon policie. Në zonë janë parë dhjetëra efektivë, çka ka tërhequr vëmendjen e qytetarëve dhe ka krijuar tension.
Deri në këto momente, policia nuk ka dhënë një njoftim zyrtar për arsyet e ndërhyrjes apo statusin e personit të ndaluar. Ngjarja mbetet në zhvillim.
