Tensionet diplomatike mes Bullgaria dhe Shtetet e Bashkuara janë shfaqur pas mosmiratimit të lëvizjes pa viza për qytetarët bullgarë.
Sipas deklaratave të kryeministrit bullgar Rumen Radev, autoritetet në Sofje kanë vendosur të zgjasin praninë e avionëve ushtarakë amerikanë në territorin bullgar vetëm deri në fund të muajit qershor, duke i lënë Uashingtonit kohë shtesë për të rishqyrtuar kërkesën e Bullgarisë për përfshirje në programin e udhëtimit pa viza.
“E kuptoj plotësisht kompleksitetin e procedurave rregullatore dhe nevojën për kohë, por edhe ne kemi prioritetet dhe procedurat tona dhe nuk mund t’i përgjigjemi pozitivisht kërkesës për qëndrime të gjata të avionëve dhe tankeve në aeroportin e Sofjes”, deklaroi Radev.
Më herët gjatë këtij muaji, presidenti bullgar kishte zhvilluar një bisedë me Donald Trump, ku kishte kërkuar pezullimin e regjimit të vizave për shtetasit bullgarë. Sipas tij, pavarësisht insistimit për një trajtim urgjent të çështjes, deri tani nuk është marrë asnjë përgjigje pozitive nga pala amerikane.
Aktualisht, Bullgaria pret avionë ushtarakë amerikanë në kryeqytetin Sofje në bazë të një marrëveshjeje që ishte parashikuar të përfundonte në fund të muajit maj.
Qeveria bullgare pritet të miratojë një vendim për zgjatjen e përkohshme të kësaj marrëveshjeje deri në fund të qershorit, ndërsa mbetet në pritje të një qëndrimi zyrtar nga Uashingtoni lidhur me liberalizimin e vizave për qytetarët bullgarë.
Kjo çështje vazhdon të mbetet një nga prioritetet kryesore të politikës së jashtme bullgare, pavarësisht statusit të vendit si anëtar i NATO dhe partner strategjik i SHBA-së në rajon.
