Aksidentet ajrore kanë shënuar një bilanc të rëndë gjatë vitit 2024, me ngjarje që kanë shkaktuar humbje të mëdha njerëzore. Më i rëndi ndër to ishte përplasja e avionit të “Jeju Air” në Korenë e Jugut, ku humbën jetën 179 persona, duke u bërë fatkeqësia më vdekjeprurëse ajrore në këtë vend.
Aksidente kryesore ajrore të vitit 2024
1.Fluturimi Voepass 2283 (Brazil, 11 gusht):
Një avion turboprop ATR-72 u rrëzua pranë qytetit Vinhedo, duke shkaktuar vdekjen e të gjithë 62 personave në bord.
2.Gramados, Brazil (22 dhjetor):
Një Piper PA-42-1000 u përplas në një zonë tregtare, duke shkaktuar vdekjen e 10 personave në bord dhe lëndimin e 17 të tjerëve në tokë.
3.Azerbaijan Airlines J2-8243 (Kazakistan, 25 dhjetor):
Përplasja afër Aktau shkaktoi 39 viktima, ndërsa 29 persona mbijetuan.
4.Saurya Airlines CRJ-200 (Nepal, 24 korrik):
Avioni u rrëzua dhe mori flakë gjatë ngritjes nga Katmandu, duke shkaktuar vdekjen e 18 pasagjerëve. Kapiteni ishte i vetmi i mbijetuar.
5.Nënkryetari i Malavisë (10 qershor):
Saulos Klaus Chilima dhe nëntë të tjerë, përfshirë ish-zonjën e parë, humbën jetën në rrëzimin e një avioni ushtarak.
6.Fluturimi çarter TFT209 (Tajlandë, 23 gusht):
Një avion Cessna Caravan C208B u rrëzua 100 kilometra larg Bangkokut, duke vrarë të gjithë 9 personat në bord.
7.Presidenti iranian Ebrahim Raisi (19 maj):
Ai dhe 6 persona të tjerë humbën jetën kur helikopteri i tyre Bell 212 u rrëzua në një zonë malore pranë kufirit me Azerbajxhanin.
8.Northwestern Air (Kanada, 23 janar):
Rrëzimi i një avioni pranë Fort Smith shkaktoi 6 viktima; një pasagjer mbijetoi.
9.Japan Airlines dhe Roja Bregdetare(Japoni, 2 janar):
Përplasja në pistën e aeroportit Haneda shkaktoi 5 viktima nga ekuipazhi i avionit më të vogël, ndërsa 379 pasagjerët e avionit JAL shpëtuan.
10.Singapore Airlines (21 maj):
Një pasagjer humbi jetën nga një atak në zemër dhe 30 u lënduan nga turbulencat gjatë fluturimit Londër-Singapor.
Viti 2024 do të mbahet mend për numrin e lartë të aksidenteve ajrore dhe ndikimin tragjik të tyre në jetën e qindra personave në mbarë botën.
