Kreu i Partisë Demokratike, Sali Berisha, reagoi pas ndryshimeve në kabinetin qeveritar dhe largimit të Belinda Ballukut, duke e cilësuar vendimin si një përpjekje të kryeministrit Edi Rama për të “shpëtuar lëkurën e tij”.
Në një video-mesazh në rrjetet sociale, Berisha u shpreh se lëvizja nuk zgjidh problemet e vendit dhe se përgjegjësia politike mbetet tek vetë kryeministri.
Ai përsëriti thirrjen për dorëheqjen e Ramës, duke theksuar se sipas opozitës kjo është e vetmja zgjidhje dhe paralajmëroi vijimin e protestave kundër qeverisë.
