Duke analizuar deklaratat e kryetarit të Bashkisë së Tiranës, Erion Veliaj pasi doli nga SPAK, opinionisti Mentor Kikia i ftuar në një program televiziv tha se ai u përpoq të zhdramatizonte situatën.
“Duke parë gjuhën; bashkëpunëtor, koleg, ishte një përpjekje komunikimi për të zbehur ndarjen mes personit që merret në pyetje dhe oficerit të Byrosë Kombëtare të Hetimit. Ka dashur të japë tonet e një komunikimi normal përtej pritshmërive me të cilën u karikua shoqëria.
Për hir të vërtetës një benzinë që i hodhi zjarrin vetë SPAK-u. Marrja në pyetje e kryetarit të bashkisë duhet të ishte gjëja më e rëndomtë pa pasur nevojë për t’u energjizuar kaq shumë media dhe politika, që të atakonte SPAK-un deri në bashkëpunim me bandën e inceneratorëve.
SPAK-u nuk guxon të pyes Veliajn. E gjithë kjo histori mund të ishte tejkaluar në mënyrë normale. Sot nuk ishte lajm çfarë tha Veliaj, por që Veliaj shkoi në SPAK”, tha Kikia.
