Barron, 18 vjeç, kishte fjalën e parë dhe të fundit në zgjedhjen e podkasteve në të cilat do të shfaqej babai i tij, dhe ishte ai që e inkurajoi atë të ulej me transmetuesin e video e lojërave, Adin Ross dhe Joe Rogan , i cili mban podkastin më të njohur në botë.
Djali më i vogël i Trump mund të mos jetë shfaqur rregullisht në krah të babait të tij në mitingje në të gjithë vendin, por ai luajti një rol prapa skenave, duke e bindur atë të shfaqej në podkaste të favorizuara nga gjenerata Z dhe millennials, sipas informacioneve të mediave të huaja.
Përpjekjet e tij dukej se po jepnin rezultat, pasi çdo podcast në të cilin shfaqej Trump mblodhi miliona shikime, pa llogaritur klipet që u transmetuan në mediat sociale.
Republikani, 78 vjeç, ka hyrë gjithashtu në tregun e Gen Z me miratime nga ‘Bro Vote’, duke përfshirë miliarderin e teknologjisë Elon Musk, presidentin e UFC, Dana Ëhite dhe ish-mundësin e ËËE, Hulk Hogan.
Ky cikël zgjedhor shënoi herën e parë që një kandidat presidencial republikan u fokusua në “Bro Vote”. Trump fitoi presidencën me 54% të meshkujve që votuan për të, pak më shumë nga 51% që e mbështetën në 2020.
Fushata e Trump ishte fokusuar herët tek votuesit me probabilitet të ulët, ata që rrallë shkojnë në votime. Për t’i arritur ata, Trump nisi një stuhi podcastesh.
Konsulenti republikan Alex Brueseëitz, 27 vjeç, kishte marrë zyrtarisht përsipër t’i prezantonte presidentit të zgjedhur listat e podkasteve në të cilat ai mund të shfaqej, por presidenti i zgjedhur ishte më i interesuar për këshillat e djalit të tij.
