Gazetari Artan Hoxha deklaroi se nëse Durim Bami do të bashkëpunonte me drejtësinë, informacionet që mund të zbardheshin do të ishin më të shumta se ato të dala nga përgjimet e Sky ECC. Megjithatë, ai e konsideroi të vështirë që Bami të pranojë statusin e të penduarit, për shkak të rreziqeve dhe familjes së tij.
Sipas Hoxhës, Bami akuzohet për ngjarje të viteve 2019–2021, pasi provat e siguruara nga prokurorët lidhen me këtë periudhë. Ai theksoi se emri i tij është përmendur në disa çështje të rënda dhe se konsiderohet një figurë me informacion të gjerë për zhvillimet kriminale të viteve të fundit.
Gazetari foli edhe për çështjen e sigurisë së tij në burg, duke shpjeguar se zgjedhja e burgut të Fushë-Krujës lidhet me sigurinë personale dhe afërsinë me familjen.
