Granit Pepnika është arrestuar në Dhërmi në kuadër të një operacioni policor.
Sipas informacioneve paraprake, ai u ndalua në ambientet e një resorti turistik nga strukturat e Drejtorisë Vendore të Policisë Vlorë, në bashkëpunim me forcat operacionale.
Burimet bëjnë me dije se Pepnika ishte shpallur në kërkim në kuadër të hetimeve për një çështje të dyshuar mashtrimi të lidhur me aktivitetin e Call Center-ave.
Deri më tani, autoritetet nuk kanë bërë publike detaje të tjera mbi rrethanat e arrestimit apo veprat penale konkrete për të cilat ai kërkohej. Pritet që Policia e Shtetit dhe organet e hetimit të japin një njoftim zyrtar me informacion të plotë mbi operacionin dhe akuzat.
