Një aksident i dyfishtë është regjistruar mbrëmjen e së dielës në zonën e Lungomares në Vlorë, duke shkaktuar shqetësim për qarkullimin në një nga akset më të frekuentuara të qytetit.
Sipas informacioneve paraprake, dyshohet se shkak i përplasjes ka qenë shpejtësia e lartë e mjeteve të përfshira. Nga aksidenti janë shkaktuar vetëm dëme materiale, ndërsa fatmirësisht nuk raportohet për persona të lënduar.
Policia ndodhet në vendngjarje dhe po vijon hetimet për të sqaruar plotësisht rrethanat dhe përgjegjësitë e aksidentit.
