Sot në mesditë përfundon afati zyrtar për dorëzimin e kandidaturave për kreun e Partia Demokratike, ndërsa procesi është shoqëruar me tensione dhe kontestime nga disa kandidatë.
Në selinë blu janë paraqitur përfaqësues të disa emrave që synojnë të hyjnë në garë, por në mungesë të zyrtarëve përgjegjës për pranimin e dokumentacionit, dosjet janë lënë në recepsion.
Kandidatura e Evi Kokalari është tentuar të dorëzohet përmes përfaqësuesit të saj, por sipas saj dokumentet nuk janë pranuar zyrtarisht nga administrata e partisë.
Ndërkohë, edhe Alesia Balliu ka dorëzuar kërkesën për kandidim përmes një përfaqësuesi, duke ndjekur të njëjtën procedurë në kushtet e mungesës së një procesi të qartë pranimi.
Në seli ka mbërritur gjithashtu edhe Merema Sela, e cila ka dorëzuar dokumentacionin për të marrë pjesë në zgjedhjet për drejtimin e partisë.
Procesi i dorëzimit të kandidaturave ka nxjerrë në pah probleme organizative dhe akuza për mungesë transparence, ndërsa disa nga kandidatët pretendojnë se gara nuk po zhvillohet në kushte të barabarta.
Me përfundimin e afatit, pritet që Partia Demokratike të publikojë listën përfundimtare të kandidatëve që do të garojnë për postin e kryetarit.
