Masoud Pezeshkian ka paralajmëruar zyrtarët iranianë që të mos krijojnë një “imazh të rremë” të situatës në vend mes tensioneve dhe konfliktit me Shtetet e Bashkuara dhe Izraeli.
Sipas deklaratave të publikuara nga Mehr News Agency, presidenti iranian theksoi se vendi duhet të jetë transparent për ndikimin që lufta ka sjellë në ekonomi dhe infrastrukturë.
“Nëse jemi në gjendje lufte, duhet të sillemi si në luftë”, deklaroi Masoud Pezeshkian, duke kërkuar realizëm dhe sinqeritet në komunikimin me qytetarët.
Ai pranoi se konflikti ka prekur sektorë strategjikë të ekonomisë iraniane, përfshirë termocentralet, industrinë petrokimike dhe fabrikat e çelikut.
Presidenti iranian paralajmëroi gjithashtu se autoritetet nuk duhet të minimizojnë problemet apo të paraqesin një situatë artificiale stabiliteti, ndërsa vendi përballet me presion të shtuar ekonomik dhe politik.
“Ne gjithashtu po përballemi me sfida serioze”, u shpreh ai, duke pranuar hapur vështirësitë që po kalon Irani gjatë krizës aktuale.
