Kryeministri dhe njëherazi kryetari i Partia Socialiste e Shqipërisë, Edi Rama, ka zhvilluar këtë të martë një takim me drejtuesit politikë të qarqeve në selinë qendrore të partisë.
Mbledhja vjen në kuadër të turit “Punët e Shqipërisë”, një nismë që synon forcimin e koordinimit në terren dhe monitorimin e ecurisë së projekteve në nivel vendor.
Sipas burimeve, në fokus të diskutimeve kanë qenë prioritetet kryesore të qeverisë, organizimi i strukturave në qarqe, si dhe përshpejtimi i realizimit të projekteve infrastrukturore dhe zhvillimore në të gjithë vendin.
Ky takim është pjesë e një serie mbledhjesh që po zhvillohen për të rritur efikasitetin e punës në administratë dhe për të garantuar zbatimin e planeve qeveritare në çdo rajon.
Pritet që në vijim të ketë edhe takime të tjera në kuadër të këtij turi, me synim rritjen e performancës në terren dhe adresimin e problematikave konkrete në nivel lokal.
