Presidenti i SHBA-së, Donald Trump, pritet të zhvillojë një takim urgjent me ekipin e tij të sigurisë kombëtare dhe politikës së jashtme për situatën në Iran.
Sipas mediave amerikane, diskutimet do të fokusohen te ngërçi në negociatat mes Uashingtonit dhe Teheranit, si dhe te opsionet e mundshme për hapat e ardhshëm në konflikt.
Raportimet nga Axios sugjerojnë se takimi do të trajtojë si zhvillimet diplomatike ashtu edhe skenarët ushtarakë, ndërsa ABC News citon zyrtarë amerikanë që shprehen optimistë për efektin e bllokadës ndaj porteve iraniane.
Nga ana tjetër, Irani ka paraqitur një propozim të ri, duke sinjalizuar gatishmëri për të negociuar mbi programin e tij bërthamor, me kusht që SHBA-të të heqin presionin në Ngushtica e Hormuzit.
Megjithatë, burime diplomatike bëjnë me dije se brenda udhëheqjes iraniane nuk ka ende një qëndrim të unifikuar për mënyrën se si duhet të trajtohen kërkesat amerikane.
Situata mbetet e tensionuar, ndërsa zhvillimet e orëve në vijim pritet të jenë vendimtare për ecurinë e negociatave dhe stabilitetin në rajon.
