Presidenti i Ukrainës, Volodymyr Zelensky, ka reaguar ndaj zbehjes së mbështetjes ushtarake dhe fokusimit ndërkombëtar në konfliktin në Iran, duke paralajmëruar se përpjekjet për paqe në Ukrainë nuk mund të shtyhen.
Në një intervistë për CNN, ai theksoi se është “rrezik i madh” që Ukraina të lihet në plan të dytë për shkak të zhvillimeve në Lindjen e Mesme.
Zelensky vuri në dukje se, ndonëse bisedimet teknike me SHBA-të vazhdojnë, mungojnë takimet e nivelit të lartë, pasi e njëjta ekip negociatorësh amerikanë po merret paralelisht me dy krizat.
Ai paralajmëroi gjithashtu për ndikimin e konfliktit në furnizimet me armë, duke theksuar mungesën e raketave antibalistike për shkak të kufizimeve në prodhimin amerikan.
Në të njëjtën kohë, Zelensky e cilësoi si jetike mbështetjen financiare të Bashkimi Evropian, i cili ka miratuar paraprakisht një kredi prej 90 miliardë eurosh për Kievin.
Sipas tij, mungesa e fondeve po pengon rritjen e prodhimit ushtarak, pavarësisht kapaciteteve ekzistuese. Ai dha si shembull prodhimin e interceptorëve të dronëve, ku Ukraina mund të dyfishojë prodhimin, por nuk ka burime të mjaftueshme financiare.
Deklaratat e Zelenskyt vijnë në një moment kritik për vendin, ndërsa lufta vazhdon dhe balanca e mbështetjes ndërkombëtare po vihet në provë.
