Ish-Prokurorja e Përgjithshme e SHBA-së, Pam Bondi, nuk do të paraqitet për të dëshmuar në Kongres lidhur me hetimet ndaj Jeffrey Epstein.
Sipas një deklarate nga komiteti i mbikëqyrjes në Dhomën e Përfaqësuesve, Departamenti i Drejtësisë ka argumentuar se Bondi nuk është më në detyrë dhe për këtë arsye nuk është e detyruar të dëshmojë në cilësinë zyrtare.
Dëshmia ishte planifikuar për datën 14 prill dhe lidhej me mënyrën se si janë trajtuar hetimet ndaj Epstein dhe bashkëpunëtorëve të tij, si dhe me zbatimin e Aktit të Transparencës për këtë çështje.
Komiteti pritet të kontaktojë avokatin personal të Bondit për të vendosur hapat e mëtejshëm, ndërsa burime bëjnë me dije se thirrja për dëshmi nuk është tërhequr ende.
