Gjermania ka shtuar presionin ndaj Iranit pas armëpushimit të fundit, duke kërkuar që Teherani të mbajë premtimet për rihapjen e Ngushtica e Hormuzit.
Zëvendëszëdhënësi i qeverisë gjermane, Sebastian Hille, deklaroi se nuk mjaftojnë deklaratat politike dhe se Irani duhet të garantojë lirinë e lundrimit për trafikun ndërkombëtar detar.
Sipas Berlinit, është e domosdoshme që Irani të ndalë çdo kërcënim apo sulm ndaj anijeve tregtare, si dhe të përmbahet nga veprime të mëtejshme ushtarake në rajon.
Autoritetet gjermane theksuan gjithashtu se respektimi i këtyre angazhimeve është kyç për qëndrueshmërinë e armëpushimit dhe për shmangien e përshkallëzimit të tensioneve në Lindjen e Mesme.
