Gjykata e Lartë ka rrëzuar kërkesën e Argita Malltezi dhe Jamarbër Malltezi për heqjen e sekuestros mbi disa pasuri.
Me këtë vendim, gjykata ka lënë në fuqi vendimin e datës 16 janar, duke konfirmuar vijimin e masës së sekuestros për pasuritë në fjalë.
Çështja lidhet me hetimet që janë në zhvillim, ndërsa palët kishin kërkuar heqjen e masës së sigurisë mbi pasuritë e tyre, një kërkesë që tashmë është refuzuar në shkallën më të lartë gjyqësore.
Vendimi i Gjykatës së Lartë përforcon qëndrimin e mëparshëm të organeve të drejtësisë, duke lënë në fuqi masat e vendosura deri në përfundim të procesit.
