Një tërmet me magnitudë 3.4 të shkallës Rihter ka goditur mbrëmjen e së premtes Greqia, duke shkaktuar shqetësim te banorët e zonës.
Sipas të dhënave nga Instituti Gjeodinamik i Observatorit Kombëtar të Athinës, lëkundjet janë regjistruar në orën 19:01 dhe kanë pasur epiqendrën në zonën e Janinë.
Epiqendra është lokalizuar rreth 9 kilometra në jug të Agia Kyriaki, ndërsa thellësia fokale e tërmetit ka qenë rreth 12.5 kilometra. Dridhjet janë ndjerë edhe në rajonin e Thesprotia.
Megjithëse nuk raportohen të lënduar apo dëme materiale, banorët kanë përjetuar momente paniku, sidomos për shkak të një tërmeti më të fortë që goditi zonën më 8 mars, me magnitudë 5.3 ballë.
Autoritetet po monitorojnë situatën, ndërsa ekspertët theksojnë se lëkundje të tilla janë të zakonshme për zonat sizmike si ajo e Epirit, por kërkojnë vigjilencë të vazhdueshme.
