Presidenti amerikan Donald Trump ka deklaruar se disa nga sanksionet ndaj naftës ruse janë pezulluar përkohësisht për të garantuar furnizim të mjaftueshëm në tregun global, në një moment kur çmimet e naftës po rriten.
Në një intervistë telefonike për NBC, Trump tha se vendimi është marrë për të stabilizuar tregun energjetik dhe për të shmangur mungesën e furnizimit me naftë.
“Dua që të ketë naftë për botën. Dua që të ketë naftë,” u shpreh ai.
Sipas presidentit amerikan, sanksionet e vendosura ndaj Rusisë në vitin 2022, pas pushtimit të Ukrainës, do të rikthehen sapo të përfundojë kriza aktuale.
I pyetur për kritikat e disa liderëve ndërkombëtarë ndaj këtij vendimi, Trump nuk dha një përgjigje të drejtpërdrejtë, por kritikoi presidentin ukrainas Volodymyr Zelensky.
“Jam i befasuar që Zelensky nuk dëshiron të arrijë një marrëveshje. Zelensky të arrijë një marrëveshje, sepse Putin është i gatshëm ta bëjë këtë,” deklaroi ai.
Trump komentoi gjithashtu raportimet se Rusia mund të ketë ndarë informacione të inteligjencës me Iranin për vendndodhjen e forcave ushtarake amerikane.
“Ndoshta Rusia po ofron informacion, ndoshta jo,” tha ai, duke shtuar se edhe Shtetet e Bashkuara po ndajnë informacione me Ukrainën në përpjekje për të ndihmuar në arritjen e paqes mes dy vendeve
