Kanë nisur përplasjet e para mes protestuesve dhe forcave të policisë gjatë marshimit në kryeqytet.
Sipas raportimeve nga terreni, drejt kordonit të efektivëve janë hedhur gurë dhe mjete ndezëse, ndërsa një pjesë e protestuesve kanë tentuar të çajnë rreshtin e policisë për të vijuar drejt godinës së Policisë së Shtetit.
Forcat e rendit janë përgjigjur me ujë dhe gaz lotsjellës për të shpërndarë turmën. Deri në këto momente nuk raportohen persona të lënduar, ndërsa situata paraqitet e tensionuar.
