Ish-Sekretarja e Shtetit, Hillary Clinton, dëshmoi para Komitetit të Mbikëqyrjes së Dhomës së Përfaqësuesve në SHBA në kuadër të hetimeve për aktivitetet kriminale të Jeffrey Epstein.
Në deklaratën e saj hapëse, Clinton mohoi të ketë pasur dijeni për aktivitetet e paligjshme të Epstein dhe Ghislaine Maxwell, duke theksuar se nuk e ka takuar kurrë Epstein, nuk ka udhëtuar me avionin e tij dhe nuk ka vizituar pronat e tij.
Ajo sfidoi gjithashtu Komitetin që, nëse kërkon të zbardhë plotësisht të vërtetën, të drejtojë pyetje të drejtpërdrejta nën betim ndaj presidentit aktual, në vend që të mbështetet në raportime mediatike.
Clinton deklaroi se nuk ka asnjë informacion shtesë për t’i ofruar hetimit, ndërsa çështja Epstein vijon të jetë në qendër të vëmendjes publike dhe politike në SHBA.
