Një tjetër tragjedi nga ortekët është regjistruar në veri të Italisë, ku dy alpinistë humbën jetën në zonën malore të Valdidentro, në rajonin e Lombardisë.
Sipas raportimeve, viktimat ishin rreth 20 dhe 30 vjeç. Ekipet e zjarrfikësve dhe policisë ndërhynë menjëherë, ndërsa në operacion u angazhuan edhe dy helikopterë.
Megjithatë, përpjekjet për shpëtimin e tyre rezultuan të pasuksesshme dhe mjekët konfirmuan vdekjen e dy të rinjve në vendngjarje.
