Kryeministri Edi Rama është larguar nga Vlora me helikopter, pas një qëndrimi prej rreth tre orësh në qytetin bregdetar.
Gjatë vizitës, ai ishte i shoqëruar nga ministrja Mirela Kumbaro dhe disa investitorë. Rama zhvilloi disa inspektime, duke u ndalur në qendrën multifunksionale pranë Sheshit të Flamurit, në muzeun hebraik si dhe në zonën e ish-rrugës së Hebrenjve në qendrën historike të qytetit.
Axhenda e tij vijoi edhe në Orikum, ndërsa më herët gjatë ditës kryeministri kishte zhvilluar një tjetër vizitë me helikopter në Korçë.
