Një 20-vjeçar është qëlluar për vdekje pasi tentoi të hynte në pronën e Donald Trump në Mar-a-Lago, në Florida, sipas njoftimit të Shërbimit Sekret të SHBA-së.
Sipas autoriteteve, i riu u vëzhgua pranë portës veriore të pronës duke mbajtur atë që dukej si një armë gjahu dhe një kanaçe me karburant, ndërsa përpiqej të hynte në perimetrin e sigurisë.
Ai u qëllua nga agjentët e Shërbimit Sekret dhe nga një zëvendës i sherifit të Qarkut Palm Beach rreth orës 01:30 të mëngjesit. Identiteti i tij nuk është bërë publik.
Në momentin e incidentit, Donald Trump nuk ndodhej në Mar-a-Lago, por në Shtëpinë e Bardhë. Hetimet për rrethanat e ngjarjes janë në vijim.
