Ka nisur këtë të hënë Foltorja e radhës e Partisë Demokratike, e zhvilluar në sheshin përpara godinës së Kryeministrisë.
Mbështetës dhe simpatizantë të opozitës janë mbledhur me pankarta në duar, ndërsa në shesh ka mbërritur edhe kreu i PD-së, Sali Berisha, për të mbajtur fjalën e tij para të pranishmëve.
Tubimi i sotëm vjen në prag të protestës së paralajmëruar më 20 shkurt, e thirrur nga opozita kundër qeverisë. Organizatorët kanë bërë thirrje për pjesëmarrje të gjerë, duke e cilësuar protestën si një reagim ndaj situatës politike dhe zhvillimeve të fundit në vend.
