Gjatë foltores së opozitës përpara Kryeministrisë, qytetari Vladimir Dobrolishti mbajti një fjalim të fortë kundër qeverisë dhe kryeministrit, duke i akuzuar për korrupsion, represion dhe përdorim të dhunës ndaj qytetarëve protestues.
Duke iu referuar protestës së 24 janarit, ai theksoi se ajo e përmbushi objektivin e saj, pavarësisht dhunës dhe presionit të ushtruar nga strukturat shtetërore. Sipas tij, qytetarët ishin të vetëdijshëm se pushteti do të përdorte çdo mjet për t’i frikësuar dhe shtypur, por kjo nuk e ndali reagimin qytetar.
Dobrolishti u shpreh se 24 janari nuk ishte një akt i izoluar, por fillimi i një përballjeje të gjatë me pushtetin. Ai paralajmëroi se protesta të tjera do të pasojnë, ku qytetarët do të shpalosin edhe më fort guximin, vendosmërinë dhe aspiratën për ndryshim, duke theksuar se rezistenca qytetare nuk do të ndalet.
