Teksa Sali Berisha ngrinte akuza të forta nga foltorja e Kuvendit, vëmendja e sallës u zhvendos te bankat e qeverisë. Zëvendëskryeministrja Belinda Balluku u pa duke kontrolluar telefonin dhe duke komunikuar me kryeministrin Edi Rama. Ky i fundit, pas disa minutash heshtjeje, reagoi me një buzëqeshje ironike pas fjalëve të Ballukut.
Pamjet vijnë në një moment delikat politik, ndërsa Gjykata Kushtetuese po shqyrton pezullimin e Ballukut nga detyra dhe SPAK ka kërkuar arrestimin e saj, duke e kthyer seancën parlamentare në një skenë tensioni dhe simbolikash politike.
