Seanca plenare në Kuvend u shndërrua në arenë përplasjeje të ashpër politike, teksa Sali Berisha lëshoi akuza të forta ndaj kryeministrit Edi Rama dhe zv.kryeministres Belinda Balluku. Nga foltorja, kreu i PD-së e cilësoi Ballukun si “shërbëtore të bindur” të Ramës, duke pretenduar se ajo ka zbatuar çdo urdhër të tij në afera të mëdha financiare.
Berisha deklaroi se Rama po përdor maxhorancën dhe procedurat parlamentare si “mburojë politike” për të shpëtuar Ballukun nga drejtësia, ndërkohë që sipas tij, pazare milionëshe janë bërë brenda dhe jashtë vendit. Ai përmendi udhëtime, tendera dhe lidhje të errëta, duke akuzuar kryeministrin për shkelje të Kushtetutës dhe mbrojtje të korrupsionit në nivelet më të larta të qeverisë.
Fjalimi i Berishës shkaktoi reagime të forta në sallë, ndërsa mazhoranca e cilësoi gjuhën e tij si provokuese dhe jashtë etikës parlamentare. Megjithatë, opozita e përshëndeti qëndrimin e tij, duke e cilësuar si denoncim të hapur të një skeme të gjerë korrupsioni.
Tensionet në Kuvend mbeten të larta, ndërsa përballja politike rreth çështjes Balluku pritet të thellohet edhe më tej në ditët në vijim.
