Një organizatë kriminale shqiptare e specializuar në trafikun e drogës është goditur nga autoritetet italiane në një operacion të gjerë antidrogë. Policia e Reggio Emilia-s ka ekzekutuar një urdhër paraburgimi të lëshuar nga gjyqtari i hetimeve paraprake në Gjykatën e Bolonjës, me kërkesë të Drejtorisë së Qarkut Antimafia, ndaj nëntë personave të dyshuar për konspiracion kriminal me qëllim trafikimin e lëndëve narkotike.
Arrestimet dhe kontrollet janë kryer në disa provinca italiane, përfshirë Reggio Emilia, Bergamo, Brescia dhe Savona, si edhe jashtë Italisë, në Francë, Spanjë dhe Shqipëri.
Operacioni, i koduar “STURL ONE”, është vazhdim i hetimeve të mëparshme të njohura si TREXIT 2019 dhe BLACK MAMBA, të cilat kishin çuar më herët në ekzekutimin e 35 masave kufizuese në janar 2021 dhe shtator 2022.
Sipas autoriteteve italiane, hetimi TREXIT 2019 zbuloi ekzistencën e tre organizatave kriminale aktive në provincën e Reggio Emilia-s. Njëra prej tyre, e përbërë nga shtetas me origjinë nga Magrebi dhe e njohur si “grupi Rubiera”, merrej me shpërndarjen me pakicë të kokainës. Dy organizata të tjera, të përbëra nga shtetas shqiptarë, siguronin sasi të mëdha kokaine për furnizimin e këtij rrjeti.
Një nga këto struktura shqiptare drejtohej nga një shtetas shqiptar që banonte në Itali, por udhëtonte shpesh jashtë vendit dhe në Shqipëri. Ai vepronte si kontakti kryesor për furnizimin me kokainë në rajonin Emilia-Romagna që prej vitit 2018.
Hetimet vijojnë për të dokumentuar plotësisht aktivitetin kriminal, rolet e personave të përfshirë dhe lidhjet ndërkombëtare të trafikut.
Një organizatë kriminale shqiptare e specializuar në trafikun e drogës është goditur nga autoritetet italiane në një operacion të gjerë antidrogë. Policia e Reggio Emilia-s ka ekzekutuar një urdhër paraburgimi të lëshuar nga gjyqtari i hetimeve paraprake në Gjykatën e Bolonjës, me kërkesë të Drejtorisë së Qarkut Antimafia, ndaj nëntë personave të dyshuar për konspiracion kriminal me qëllim trafikimin e lëndëve narkotike.
Arrestimet dhe kontrollet janë kryer në disa provinca italiane, përfshirë Reggio Emilia, Bergamo, Brescia dhe Savona, si edhe jashtë Italisë, në Francë, Spanjë dhe Shqipëri.
Operacioni, i koduar “STURL ONE”, është vazhdim i hetimeve të mëparshme të njohura si TREXIT 2019 dhe BLACK MAMBA, të cilat kishin çuar më herët në ekzekutimin e 35 masave kufizuese në janar 2021 dhe shtator 2022.
Sipas autoriteteve italiane, hetimi TREXIT 2019 zbuloi ekzistencën e tre organizatave kriminale aktive në provincën e Reggio Emilia-s. Njëra prej tyre, e përbërë nga shtetas me origjinë nga Magrebi dhe e njohur si “grupi Rubiera”, merrej me shpërndarjen me pakicë të kokainës. Dy organizata të tjera, të përbëra nga shtetas shqiptarë, siguronin sasi të mëdha kokaine për furnizimin e këtij rrjeti.
Një nga këto struktura shqiptare drejtohej nga një shtetas shqiptar që banonte në Itali, por udhëtonte shpesh jashtë vendit dhe në Shqipëri. Ai vepronte si kontakti kryesor për furnizimin me kokainë në rajonin Emilia-Romagna që prej vitit 2018.
Hetimet vijojnë për të dokumentuar plotësisht aktivitetin kriminal, rolet e personave të përfshirë dhe lidhjet ndërkombëtare të trafikut.
