Luana Vjollca ka ndezur kureshtjen e ndjekësve me një postim të fundit në Instagram, i cili ka hapur menjëherë aludime për një romancë të re. Moderatorja ka publikuar një foto ku shihet vetëm gota e saj, në një ambient me ndriçim të butë dhe atmosferë romantike, pa zbuluar asnjë person tjetër në kornizë.
Ajo që ka tërhequr më shumë vëmendje është përshkrimi i shkurtër “me and you”, i cili është interpretuar nga fansat si një mesazh i koduar apo një dedikim special. Mungesa e detajeve ka shtuar misterin dhe ka bërë që postimi të shpërndahet e komentohet gjerësisht.
Komentet në rrjete sociale nuk kanë munguar, me ndjekës që pyesin nëse bëhet fjalë për një njohje të re sentimentale apo thjesht një moment simbolik i ndarë me publikun.
Ndërkohë, përtej spekulimeve mbi jetën private, Luana po kalon një periudhë shumë të mirë edhe profesionalisht, me angazhime të shumta dhe sukses të vazhdueshëm në projektet e saj personale.
Nëse ky postim ishte një sinjal për një histori të re dashurie apo vetëm një lojë me imagjinatën e ndjekësve, kjo mbetet për t’u parë. Për momentin, misteri vazhdon.
