Këngëtari Blero i ka dhënë fund beqarisë duke kurorëzuar martesën me partneren e tij, Eronita. Kjo është martesa e tretë për këngëtarin, pasi më parë ka qenë i martuar me aktoren Teuta Krasniqi, me të cilën ka edhe një vajzë, ndërsa më pas u martua me Afrona Dikën, martesë që përfundoi pas disa vitesh me divorc.
Çifti ka organizuar një ceremoni private, larg vëmendjes mediatike, në prani të familjarëve dhe miqve të afërt. Pamjet nga ceremonia janë shpërndarë në rrjetet sociale, ku shihet momenti kur të dy i thonë “po” njëri-tjetrit dhe zyrtarizojnë lidhjen e tyre.
Megjithatë, në rrjet kanë qenë të shumta komentet e ndjekësve, ku disa prej tyre kanë vënë re se partnerja e këngëtarit nuk dukej plotësisht e lumtur në këtë ditë të veçantë për çiftin, duke nxitur diskutime të ndryshme.
Pavarësisht komenteve, Blero dhe Eronita kanë zgjedhur ta jetojnë këtë moment të rëndësishëm në mënyrë diskrete, duke hapur një kapitull të ri në jetën e tyre personale.
