Kupa e Botës 2026 ka hedhur sot shortin zyrtar në Uashington, duke përcaktuar ndarjen e skuadrave në fazën finale të turneut që do të zhvillohet verën e ardhshme në SHBA, Kanada dhe Meksikë.
Shqipëria, nëse arrin të sigurojë kualifikimin përmes play-off-it të UEFA-s, është pozicionuar në Grupin F, ndërsa Kosova, gjithashtu pjesë e play-off-it, do të vendoset në Grupin D, aty ku ndodhet edhe një nga vendet pritëse, SHBA.
Shorti ka prodhuar disa duele tepër të forta që qëndrojnë të peshës së turneut. Një prej tyre është ai në Grupin C, ku Brazili përballet menjëherë me Marokun, gjysmëfinalistin e fundit të Botërorit. Gjithashtu, Grupi I premton spektakël me Francën e Mbappé, Norvegjinë e Haaland dhe Senegalin kampion Afrike. Një tjetër grup shumë i fortë është Grupi L, ku Anglia do të sfidohet nga Kroacia, Gana dhe Panama.
Ndarja e plotë në grupe
Grupi A
Meksikë, Afrika e Jugut, Koreja e Jugut, Play-Off UEFA D
Grupi B
Kanada, Play-Off UEFA A, Katar, Zvicër
Grupi C
Brazil, Marok, Haiti, Skoci
Grupi D
SHBA, Paraguai, Australi, Play-Off UEFA C (Kosova)
Grupi E
Gjermani, Kuraçao, Bregu i Fildishtë, Ekuador
Grupi F
Holandë, Japoni, Play-Off UEFA B (Shqipëria), Tunizi
Grupi G
Belgjikë, Egjipt, Iran, Zelanda e Re
Grupi H
Spanjë, Kepi i Gjelbër, Arabi Saudite, Uruguai
Grupi I
Francë, Senegal, Play-Off ndërkontinental 1, Norvegji
Grupi J
Argjentinë, Algjeri, Austri, Jordani
Grupi K
Portugali, Play-Off ndërkontinental 2, Uzbekistan, Kolumbi
Grupi L
Angli, Kroaci, Gana, Panama
Vazot e shortit
Vazo 1:
Spanjë, Argjentinë, Francë, Angli, Brazil, Portugali, Holandë, Belgjikë, Gjermani
Vazo 2:
Kroaci, Marok, Kolumbi, Uruguai, Zvicër, Japoni, Senegal, Iran, Koreja e Jugut, Ekuador, Austri, Australi
Vazo 3:
Norvegji, Panama, Egjipt, Algjeri, Skoci, Paraguai, Tunizi, Bregu i Fildishtë, Uzbekistan, Katar, Arabi Saudite, Afrika e Jugut
Vazo 4:
Jordani, Kepi i Gjelbër, Gana, Kuraçao, Haiti, Zelanda e Re, Play-Off UEFA A, Play-Off UEFA B (Shqipëria), Play-Off UEFA C, Play-Off UEFA D, Play-Off ndërkontinental 1, Play-Off ndërkontinental 2
Çfarë ndodhi gjatë ceremonisë?
Ceremonia nisi në orën 18:00 me performancën e tenoristit Andrea Bocelli, ndërsa në skenë u ngjitën më pas prezantuesit Heidi Klum dhe Kevin Hart. Presidenti i FIFA-s, Gianni Infantino, inauguroi eventin mes falënderimeve për vendet pritëse dhe nderimit për disa figura të sportit e kulturës.
Katër personalitete të mëdha të sportit amerikan – Tom Brady, Shaquille O’Neal, Aaron Judge dhe Wayne Gretzky – ishin të ftuarit special që tërhoqën goglat e fazës së grupeve. Trofeu i turneut u soll në skenë nga trajneri i Argjentinës, Lionel Scaloni.
Ceremonia përfundoi me këngën ikonike “YMCA” të grupit “Village People”.
