Rreth orës 03:10 të mëngjesit, në Ksamil, një zjarr i fuqishëm ka përfshirë lokalin “Bumble Bee”, duke e shkatërruar tërësisht.
Lokali, i ndërtuar me konstruksion druri, u dogj pa mundur të shpëtohej asnjë pjesë e tij.
Biznesi shfrytëzohej nga shtetasi K. I., 41 vjeç, i cili e kishte marrë me qira nga Ramadan Zoto, alias Ramadan Canaj, 42 vjeç.
Ky i fundit ndodhet aktualisht në paraburgim, pasi akuzohet për plagosjen e dy personave më 17 korrik në Sarandë.
Policia e Sarandës njofton se grupi hetimor po punon për zbardhjen e plotë të rrethanave dhe shkaqeve të zjarrit.
