Gjykata e Posaçme ka shtyrë edhe një herë seancën gjyqësore ndaj ish-ministrit të Shëndetësisë, Ilir Beqaj, pasi ai nuk është njohur plotësisht me aktet e dosjes. Kjo është shtyrja e radhës në procesin ndaj ish-ministrit, i cili përballet me akuza të rënda. Seanca e radhës është caktuar për datën 11 dhjetor.
Beqaj po gjykohet për akuzën e vjedhjes duke shpërdoruar detyrën, në kuadër të një grupi të strukturuar kriminal, sipas pretendimeve të Prokurorisë së Posaçme.
Gjykata pritet të vendosë në seancën e ardhshme mbi vijimin e procesit dhe kërkesat e palëve.
