Policia e Vlorës ka finalizuar operacionin e koduar “React”, duke goditur një tjetër rast të armëmbajtjes pa leje në qytet.
Në bazë të informacioneve operative, shërbimet e Komisariatit të Policisë Vlorë kryen një kontroll në një banesë në lagjen “4 Heronjtë”, ku u kap në flagrancë dhe u arrestua H. M., 40 vjeç.
Gjatë kontrollit, policia sekuestroi si prova materiale:
-
1 armë zjarri automatike AK-47
-
1 krehër me 29 fishekë luftarakë
Policia bën me dije se operacione të tilla synojnë parandalimin e ngjarjeve kriminale që mund të shkaktohen nga përdorimi i armëve pa leje.
Materialet i janë dërguar Prokurorisë së Vlorës për veprime të mëtejshme procedurale.
