Zbardhen detaje në lidhje me ngjarjen e rëndë në Tiranë, ku një e mitur tentoi vetëvrasjen me një mjet prerës.
Mësohet se 16-vjeçarja me personin që akuzon për përndjekje, Jetmir Llanaj, që ndodhet pas hekurave për një rast gjobëvënie, ka qenë në një lidhje, që e kishin ndërprerë pas arrestimit.
Jetmir Llanaj
Me krijimin e një lidhjeje të re, vajza u përball me kërcënime dhe përndjekje nga ish-i dashuri i saj dhe një person i dytë i cili tashmë është në kërkim.
Në gjendje të rënduar psikologjike, vajza ka tentuar që të vrasë veten duke u dëmtuar me mjet prerës teksa merrej në pyetje, ku ka kafshuar edhe punonjësen e policisë.
Policia po vijon punën për dokumentimin e plotë të ngjarjes në fjalë.
