Tensione në Bosnjë-Hercegovinë, drejtori i SIPA-s kthehet në punë, si dështoi tentativa për grusht shteti e Dodik

Darko Ćulum, një bashkëpunëtor i ngushtë i udhëheqësit serb të Bosnjës Milorad Dodik, ka vendosur të kthehet në pozicionin e drejtorit të Agjencisë Shtetërore të Hetimit dhe Mbrojtjes së Bosnjës dhe Hercegovinës (SIPA) pasi kishte dhënë dorëheqjen më parë, duke e bërë atë një nga zyrtarët e paktë që iu bind urdhrit të Dodikut për të lënë pozicionet në organet qeveritare shtetërore. “Jam rikthyer në pozicionin e drejtorit të SIPA-s”, konfirmoi Ćulum për mediat lokale të hënën, dhe kjo rezulton se përpjekja e Dodik për grusht shteti kundër autoriteteve shtetërore ka dështuar. SIPA është agjencia policore ombrellë në Bosnjë dhe Hercegovinë e themeluar sipas modelit të FBI-së amerikane dhe detyra e saj është të luftojë terrorizmin, korrupsionin e lartë dhe krimin e organizuar.