Kina sapo ka përfunduar kontrollet përfundimtare në një satelit të posaçëm eksperimental që do të përdoret në orbitën shumë të ulët të Tokës (VLEO), duke shënuar hapin e parë drejt ndërtimit të një konstelacioni prej 300 pajisjesh për teledeteksion dhe komunikim me rezolucion të lartë. Chutian-001, i nisur nga Qendra Satelitore Jiuquan një vit më parë, u ka demonstruar analistëve kinezë se shfaq aftësi kyçe , duke përfshirë performancën e sistemit satelitor, imazhe inteligjente me rezolucion të lartë dhe monitorimin e mjedisit hapësinor. Mediat raportuan se testet nxorën në pah përparimin në fusha kyçe, të tilla si kontrolli i saktë i satelitëve në orbita ultra të ulëta, zbulimi i objektivave në kohë reale dhe vëzhgimi me shumë sensorë i mjedisit afër Tokës. Gazeta Hubei Daily nuk e zbuloi lartësinë e satelitit apo detaje specifike si masa apo madhësia e tij.
Megjithatë, imazhet nga shfaqja ajrore Zhuhai e vitit të kaluar zbuluan trupin aerodinamik në formë plumbi të satelitit , i projektuar për të zvogëluar rezistencën atmosferike , një sfidë kyçe për anijet kozmike që operojnë nën 300 kilometra, ku rezistenca e ajrit është shumë më e madhe. Kujtojmë se satelitët VLEO zakonisht orbitojnë Tokën në lartësi midis 150 dhe 300 kilometrave, duke ofruar avantazhe të tilla si latencë më e ulët e sinjalit, transmetim më i fuqishëm, kërkesa të reduktuara për energji dhe potencialisht kosto më të ulëta lëshimi. Ndërsa disa analistë perëndimorë spekulojnë se “karta e egër” e fundit e Kinës mund të ketë edhe pasoja ushtarake, disa të tjerë thonë se ky konstelacion do të sjellë përfitime për akademinë, disa sektorë ekonomikë dhe publikun, të cilët mund të përdorin pajisje të tilla në të ardhmen.
