Gazetari Poli Hoxha, në një intervistë televizive, ka komentuar kërcënimin e kryeministrit Edi Rama ndaj SPAK pas arrestimit të kryebashkiakut Erion Veliaj, duke theksuar se ky është një shenjë e presionit dhe shqetësimit të lartë nga ana e tij.
Sipas Hoxhës, ky presion është i lidhur me dosjen e inceneratorëve, e cila po zhvillohet dhe, siç pohon ai, është duke shkuar drejt fundit, me SPAK që tani është në kërkim të pjesës kryesore të kësaj çështjeje, që përfshin Këshillin e Ministrave.
“Një deklaratë që Rama bëri, ku tha ‘mos guxoni të vijnë të më marrin mua telefonin’, është një presion shumë i madh dhe është një shqetësim i real. Kemi kaluar në pjesën më të rëndësishme të hetimit të inceneratorëve, që përfshin Këshillin e Ministrave dhe sekretarin e përgjithshëm”, tha Hoxha.
