Pas drejtorëve, Blendian Dalipaj i energjisë dhe Klevis Jahaj i ujësjellësit, të cilët dyshohet se kanë shfrytëzuar pozitën e tyre për të përfituar miliona euro përmes kompanive familjare dhe për të favorizuar në tendera miqtë, në skenën e pasurive dhe korrupsionit, por që tashmë ka përfunduar në burg është dhe ish-drejtori dhe krahu i djathtë i Belinda Ballukut Evis Berberi. Imazhi i Berberit është pak i njohur në publik, por në inspektimet e rrugëve nga Belinda Balluku, ai qëndronte gjithnjë pranë saj, në krah të djathtë, duke e informuar për ecurinë e projekteve nga unaza e madhe e Tiranës, rruga e Arbrit, tuneli i Llogarasë apo rrugët e tjera në vendit.
Rrugën drejt krimit, sipas hetimeve, Berberi duket se e nisi, kur u emërua këshilltar e Ballukut, në Ministrinë e Infrastrukturës dhe Energjisë, me shitjen e kompanisë “Daam sh.p.k,” në vitin 2019, ku dyshohet për transferim fiktiv me qëllim që të shmangte konfliktin e interesit. SPAK ngriti akuza për Berberin në 2024 për veprat penale: “Korrupsion pasiv dhe pastrim parash kryer në bashkëpunim.
